Ola, espero que estedes pasando ben estes días aínda que o tempo non acompañe moito. Falando de tempo...lembrades que a vindeira semana tedes que convertiros en presentadores/as do tempo?
Por se acaso hai algún olvidadizo/a para iso está este post. Esta actividade práctica non ten asignado día nin todos a ides facer o mesmo día. Cada día lles tocará a varios facer "o parte" e non será por orde de lista: o botón "azar" do classdojo decide a quen lle toca. Coma sempre, aqueles que levan tempo practicando levan vantaxa sobre aqueles que non e daralles igual ir de primeiros que de últimos. Refírome aos aspectos televisivos, vocvabulario específico, etc
Ata o día que vos toque non saberedes que mapa vos toca porque a interpretación dos datos do mapa é algo que tedes que saber facer vós e non memorizalo con axuda na casa. Como os meteorólogos profesionais teredes un tempo na clase para preparar o mapa que vos toque antes de que sexa a hora de que empece o parte.
Que se vai valorar? Tamén é algo que se explicou varias veces na clase pero por se queda alguén un pouco despistado déixovos a rúbrica que usaremos para puntuar a actividade. Premede na imaxe para que se amplíe e poder ler mellor.
Ánimo que xa queda pouco!
